صفات البنت الكذابة

[serimoe]

بسم الله الرحمن الرحيم

أول نوع من الكذب : الكذب الرومانسي قبل الخطبة ( وطبعا هي اللي تدلق نفسها عليه , ويا حرام هو يا بيكون مركز بالدرس أو بالشغل ....)

1-حبيبي حاسه اني اعرفك من زمااااان..........(بتقولها
وهيامطلعة لسانها ...طبعا خبره فى الحب والكذب)

2- حبيبي بحس انك غير كل الشباب والله ...... عندى ثلاث
عيون وانا مش واخد بالي ( كيف عرفتي باقي الشباب؟؟؟؟-- ركز يا ذكر )

3- ياريتني ياقلبي عرفتك من زمان ...........(وهيا عرفت
اكتر من 73 واحد قبلي )

4- انامابطلع أبداً من البيت ويوم اللي بطلع راسي على طول بالارض وعمري ما بشوف حد .......(ماتقول اللي خلقك ما خلق غيرك )

5- الصيف دا احتمال نسافر باريس ولندن وجنيف ....... (وهي
لو طلعت بره بيتهم بدي قص ايدي .. باريس يعني الشباك اللي مسكر طول الشتوية , لندن : يعني شيل السجاد من الأرض , جنيف : هيدا شي عيب ما بيعرف فيه إلا البنات ...)

6 - بتصدق حبيبي انامابحب ألبس إلا ماركات عالميه
..........(وهيا بتشتري تيابا بالجمله ومن سوق الأحد او البالة, هيدا إذا ما كانت بتلبس تياب أختا الكبيرة )

7- حبيبيى انا اليوم مش قادرة رنلك معلش ما معي رصيد .....( يا ذكي افهم وهاتلي كارت تشريج تبع 3 اشهر)

8- تعرف انا من البنات الي تحب طول ما هيا ماشيه تصرف مصاري
من دون ما تسأل شو في ... لا تعليق

9 - اليوم يا قلبي كانوا هيخطبوني لواحد ما بعرفو ...
(اي ومن اوستراليا ومعو مصاري كتير ,تعا اخطبني واتدبس يلا ..)

10 - اليوم عيد ميلادي يا قلبي ... اول عيد ميلاد
معك ..... (نفسها بهديه بس أنت كريم وهي بتستاهل )

11 - ياروح قلبي والله البابا كان ب اوضتي طول النهار
امبارح مااقدرت اتصل بيك ..... (سبحان الله ترك الشقه كلها
وقعد في اوضتها ... بيجي الوحي فيها )

الأن بعد الخطبة : وياااااااه ما احلى الخطبة ( على القليلة ما فيا تكذب كتير )


1- معلش يا حبيبي رايحه للكوافير علشان اعمل شعري ... (وهي حاطة باروكة أصلاً .

2 - انت أملي الوحيد ... الفارس الي بحلم فيه ... راكب
حصان ..... (ماتقول بتحب ابو لهب وابو زيد الهلالي وانت مش حاسس...)

3 - انا اليوم مش قادرة أضهر معك الأن بدي أعمل شوبنج
..... (وهيا اخرها سوق الخضرة تجيب بندورة وخيار)

4 - ياليتني ياقلبي عرفتك من زمان..( معليش كان عندك عجقة )

5- حبيبي انت بتأمر قلبي امر .. كل اللي بتقولو بنفذو
( ايه في الاحلام اكيد )

6- بكرا بس نتزوج بديأعملك أحلى أكل ...( ما داري المسكين انو رح يشغل المطعم اللي بيودي ديليفري اللي تحت البيت ...)

7- بكرا بس نتزوج بدي خلي حياتك سعيدة وهنية ...( يا عين شو حنونة , ولك أنت شو قايلها قبل ما تقلك هالكلام؟؟؟)

8-بكرا كل الأزواج بدن يغاروا منا ...( على شو يا عيني ؟؟؟ )

أما النقطة الثالثة فهي بعد الزواج :

وللحقيقة ما فيني أقول غير أنو صوتها متلى الحارة ... لا تعليق


***** على فكرة انا أحترم البنات والجنس اللطيف , ولكن كتب في هذا المنتدى صفات الشاب الكاذب , فكتبت أنا صفات البنت الكذابة من باب الفكاهة ليس إلا ...( بس الكلام كلو اللي نقال مظبوط...هههه):D

[Dany]

نحنا معك خيي serimoe وما تعتل هم ابدا.
الله يكون بعونك, كنت شب آدمي.

[serimoe]

هههههههه بيستاهلو ما هيك ... هن اللي بلشو .. والبادي أظلم , ونحنا لهم بالمرصاد

[اسيرة الامل]

ولو خي serimoe تكرم عينك،،،،،،،،، مش البنات الي بيتنازلو عن حقهم
صفات الشباب

· لما يحكيلك انا صريح بكون "كذاب" ولو حكالك انا غامض بكون "هبيلة"



· لو حكى عن المجتمع وعن البنات كيف صاروا بكون تابع شات و مش عارف يتعرفله على وحده



· لو حكى اني ما بطلب إشي من أهلي بكون وصولي وبلتجي



· انا عرفت بنات أد عدد شعر راسك وهو بكون مش لائي وحدة تتطلع بوجه



· انا بكره البنت المعندة وبكره البنت الصايعة بفاجئك انه بدور على الصايعة يصاحبها ...........والمعئده يتزوجها

اول مرحلة من التعارف



? لما تشوفي إنه سيارتة قديمة بحكيلك انه كان معاه BMW ونشطبت بحادس قوي على طريق المطار وكان رح يموت



? اول مرة بكون نظيف والعطر ريحته طالعه وأكيد حالق وبعد كم مرة بتكون نفسيتة تعبانة ومش مفرشي اسنانه وبدوب الثلج وبيبان المرج



? أول اللقاء بكون معاه موبايل (I mate) تاني يوم بتلاقي معاه موتورولا ابو سلك وبحكيلك معلش عشان موبايلي إنسرق



? وين بتحبي تروحي -البنت على BLUE FIG -الشب لا بس المكان إللي جنبة أحلى..... (عشان أرخص)



? بفتح ادامك المحفظة علشان يورجيكي كروت الفيزا والماسترو expired وهم بكونوا لبيو



? أكيد بحكيلك إنه ساكن في الروشه وبعدين بتكتشفي إنه ساكن ببعلبك



? أكيد بحكيلك عن طووشة وبطولاتة وكيف ضرب الشباب وهو ما صارلو إشي ( والحقيقة بكون هو إللي اكل الأتله كلها)

المرحلة التانية من التعارف



· حبيبتي انا ما بحب الأماكن العامة عشان إزعاج الناس وعشان ما يشوفنا اخوكي......... (تلميح لشقة)



· تلفون الليل دائما رومانسي والصوت المبحوح النايم ولازم السؤال المعروف (شو لابسة)

· بحكيلك انه طالع يسهر (ب الناي أو رد) وبتلاقيه ببار (أميجو ) بشارع الجامعة



· ولما ما يكون معاه مصاري (وهادا الوضع الطبيعي ) فجأه بتلائي حالك بشارع المطار والبنزين ضاوي



· لو مسكتكم الشرطة على طول بصير "حاضر يا سيدي وعلى راسي وقال وقولنا بعد ما يكون معك أل وألنا "



· بطلع معك بقميص ZARA

وفجأة بشوفوا صاحبه بالو متى بدك ترجع الجاكيت لهلء معك

· بكون لابس جاكيت جلد وبحكيلك إنه إيطالي وإنه ما بنحرق لانة جلد أصلي وفجأه لما يولع سجارة بتلائيه هب هو والجاكيت



· بكون لابس نظارة بحكيلك إنها مارك police وفجأة بتوقع وبتمسكيها بتلائيها made in china



· لو عزمك على عشاء بحاول يضيع الموضوع وبخليها شرب سوائل

· لما يسألك وين بتحبي تروحي إنتي بتحكيلو على ROVERS هو بحكيلك أنا كل يوم هناك ولما تروحوا بيسألك وين الحمام



· لما تتعشوا سوا بحكيلك دوئيني من صحنك وفجأة بتلائيه خلصلك صحنك وصحنة



· بسألك شو بدك تاكلي ( المطعم المكسيكي)تقولي (فاهيتا) وعشان هو مش عارف إنتي شو طالبة فبحكي خلص زي ما إنتي طالبة



· ولما تيجي الفاتورة بيعرق - ليش هيك إحنا ما طلبنا إشي لو سمحت ليش هيك الفاتورة



· أنا ما معي فراطة....... (عشان Valet و البقشيش)



· بعد ما تحكي شكرا على العزومه بحكيلك ما هو الجيبه وحده انا اليوم وإنتي بكرة



· لما تنزلو على البحر انتي بكون معاكي في الشنته شامبو وكريمات وصن أويل وهو بتلائيه بشاكير ( للعلم الفندق بيعطيك بشكير) وفاين على الجنب وكيس بزر في قاع الشنطة وحفاي و أنينة مي جايبها من الدار ( عشان ورقة ماء غدير بتكون رايحة)

المرحلة الاخيرة من التعارف



· لو بدو مصاري منك بحكيلك انه متخانق مع اهلوا أو عليه دين أو خربت سيارته



· أبل يوم عيد ميلادك بشهر بكون يخطط كيف بدو يكون يوم عيد ميلادك وأتريه بكون بفكر كيف بدو يتخانق معك طبعا تمثيل عشان توفري علية الهدية (بعد ما تكوني جايبتيلو كل هدايا الاردن)



· لما تشوفي موبايلو عليه صورة أطفال بحكيلك هدول ولاد أختي وبعدين بتكتشفي إنهم ولاده



· ولما بدو يتركك بصير يعمل حالو كتير مشغول وبحكيلك انة ما بفكر في الزيجة ابدا ويا ريت نكون إخوان( بعد 3 سنين تعارف)



· لما يحكي انا مش جاهز للزيجه (إلا بعد 5 سنين ) بس تتركيه بعد بيومين بيخطب بنت خالتة عشان إمه بدها هيك .

[serimoe]

ههههههههههه ولله كلامك مظبوط بس البنت هبلى بتصدق كل شي ههههه

[اسيرة الامل]

عارف ليش لانه البنات قلوبها طيبه مش شيريرات مثلكم هههههههه

[serimoe]

انا ما خصني أنا قلبي حنون وبصدق البنات الكذابة كمان

وما بعرف انها عم تكذب علي لأني صادق وما بحب الكذب

وبعد ما باكل الضرب بقول بقلبي يا حرام أكيد أنا ظلمت البنت

[عاشقة الربيع]

الـمـشـاركـة الأصـلـيـّة كـتـبـتْ بـواسـطـة serimoe

انا ما خصني أنا قلبي حنون وبصدق البنات الكذابة كمان

وما بعرف انها عم تكذب علي لأني صادق وما بحب الكذب

وبعد ما باكل الضرب بقول بقلبي يا حرام أكيد أنا ظلمت البنت

أنت اللي جبته لنفسك..لا تزعل لو كل بنات المنتدى كذبوا عليك...الله يعنيك قديش رح تصدق..*_^

[DeLta]

عشت يا كبير يا serimoe والله ما حدا جابها غيرك ههههههه

[serimoe]

لعيونك يا أبو الشباب ... هههه

[اسيرة الامل]

انت قدهيده الكلام معلش شباب لاتزعلو من الي حيصير والي بيلعب بالنار يتحمل هههه

[serimoe]

نحنا قدها وقدووووود

[اسيرة الامل]

أذن أتحملو اذا فيكون تتحملو

[بيسو]

ههههههههههههههههههههههه مشكور البنات شريرات

[beirutos]

البنات تكوينهن عجيب
واطبعاهن شي غريب
سيدات بتدبير الاساليب
في التطبيق والترغيب
كل شي بنظرهن قريب
ما حافظين غير كلمة جيب
جيب سرقة جيب نهيب
ما بتجيب غيرك بيجيب
وعجبي!!!!!!!!!!!!!